Truthlize-ийн консепци
Thuthlize-ийн үйл ажиллагаа, үйлчилгээний консепци нь гарааны болон жижиг дунд бизнесийн хөрөнгө оруулалтын харилцаанд мэргэжлийн үйл ажиллагааны чиг баримжааг суулгах замаар хөрөнгө оруулагч, хувьцаа эзэмшигчдэд бодит өгөөж хүртэх, эрсдэлээс хамгаалах юм.
Консепци
Санаачилга: Truthlize-ийн үүсгэн байгуулагч нь одоогоос дөрвөн жилийн өмнө бид хоёр жижиг бизнест хөрөнгө оруулалт хийж байсан. Багагүй хугацаанд олон компаниудын санхүүжилтын төслүүдэд ажиллаж байсан ч өөрсдөө хөрөнгө оруулалт хийж, бизнесийг хөрөнгө оруулагчийн талаас харсан анхны тохиолдлууд юм. Ковидын хүнд үеийг даван туулж, тэдгээр бизнесүүдийн бодит үнэлгээ богино хугацаанд 460% хүртэл өсч хөгжсөн ч бид бодит өгөөж хүртэж чадаагүй. Дээрхи үйл явдал нь жижиг дунд бизнес дэх хөрөнгө оруулалтын харилцааг судлах анхны шалтгаан болж байв. Тэрээр хөрөнгө оруулагчдын өгөөж хүртдэггүй шалтгааныг судлахаар хөрөнгө оруулагчидтай ярилцлага, анкет, фокус группын аргаар бичил судалгааны ажил хийжээ.
Хөрөнгө оруулагчдын асуудал
Хөрөнгө оруулагчдын өгөөж хүртдэггүй хамгийн түгээмэл шалтгаан нь “Компани болон хөрөнгө оруулагч нарын хоорондын харилцааны асуудал” байдаг ба компанийн хувьцаа эзэмшигчдийн дунд 5 бүлэг 15 асуудал үл ойлголцол үүсгэх явдал түгээмэл байна. Эдгээр үл ойлголцлууд нь гарааны болон жижиг дунд бизнесийн хөрөнгө оруулагчдыг санхүү, нэр хүнд, цаг хугацааны алдагдалд оруулж байна.
Шийдэл: Энэхүү асуудлуудыг шийдвэрлэх зорилгоор хууль болон хөрөнгө оруулалтын чиглэлийн мэргэжлийн баг бүрдүүлэн шийдлүүд хайж, Truthlize-н үйлчилгээ, үйл ажиллагааны консепцийг боловсруулсан. Томъёолбол: "Бид гарааны болон жижиг дунд бизнесийн хөрөнгө оруулалтын харилцаанд мэргэжлийн үйл ажиллагааны чиг баримжааг суулгах замаар хөрөнгө оруулагч, хувьцаа эзэмшигчдэд бодит өгөөж хүртэх, эрсдэлээс хамгаалагдах боломжийг бүрдүүлэх, үүний тулд хөрөнгө оруулалтыг хэлцлээс эхлэн гарах стратеги хэрэгжүүлэх хүртэл бүхий л үйл ажиллагаанд мэргэжлийн арга зүйн дэмжлэгээр хангах юм."
Энэхүү консепцийн дагуу шийдлүүд хайсны үр дүнд дараах арга зүйнүүдийг хөгжүүлсэн.
Хөрөнгө оруулалтын хэлцлийн 31 хүчин зүйл бүхий гол нөхцөлийн загвар
Бизнес хөгжүүлэлтийн үндсэн чиглэл боловсруулах 5+1 хөтөлбөр
Жижиг дунд компанийн гинжин хэлхээний үнэлгээ
Хувьцаа эзэмшигчдийн өмнө хариуцлага хүлээх чадамжийн дүн шинжилгээ
Хувьцаа эзэмшигчдийн өгөөжийн загвар
Компанийн санхүүгийн шинжилгээ, тогтвортой байдал ба дампуурлын магадлалын үнэлгээ
Бизнес хөгжүүлэлтийн чадамжийн дүн шинжилгээ
Компанийн санхүүжилт ба орлогын харьцааны зохистой загвар
Жижиг дунд бизнесийн төслийн хялбаршуулсан загвар
Үр дүн ба Үнэ цэнэ
Хөрөнгө оруулалтын өгөөж нэмэгдэнэ.
“Трютлайз”-ийн арга зүй нь компанийн үнэлгээг өсгөх, засаглалыг сайжруулах, компанийг хөгжлийн дараагийн шатанд гаргахад бодит үр нөлөө үзүүлж чадамжтай.
Эрсдэлээс хамгаалагдана.
“Трютлайз”-ийн хөрөнгө оруулалтын процесс, хөрөнгө оруулагчдыг төлөөлөх үйл ажиллагаа нь хөрөнгө оруулагч, компани хоорондын үл ойлголцлоос сэргийлсэн ба үйл ажиллагааны явцад үүсч болох үл тохирлыг цаг тухайд мэдээлэх боломжтой.
